आजदेखि खेलकुद क्षेत्रका विसंगति र विकृति पनि दण्डको दायरामा

आजदेखि खेलकुद क्षेत्रका विसंगति र विकृति पनि दण्डको दायरामा 1

काठमाडौ । आजबाट लागू भएको मुलुकी अपराध संहिता ऐनले खेलकुद क्षेत्रमा हुने विसंगति र विकृतिलाई पनि दण्डको दायरामा ल्याएको छ ।

संहिताले खेल क्षेत्रमा मिलेमतोमा हुने म्याचफिक्सिङलाई फौजदारी कसूर मान्दै दण्डको दायरामा ल्याएको हो । राज्यविरुद्धका कसूरमा राष्ट्रहित प्रतिकूल हुने काम गर्न नहुने व्यवस्थामा राज्यको प्रतिनिधिका रुपमा सम्मिलित कुनै पनि खेलमा मिलेमतो गरे खेलाडीलाई राज्यविरुद्ध कसूरमा सजाय हुने व्यवस्था ऐनले गरेको छ ।

खेल मिलेमतोमा पहिलोपटक राज्यविरुद्ध अपराध कसूर मानिएको हो ।नेपालको प्रतिनिधित्व गरी नेपालमा वा विदेशी मुलुकमा कुनै खेलाडी वा खेलाडीसँग प्रतिस्पर्धा गर्न कुनै खेल खेल्ने नेपाली खेलाडी वा खेलाडीको समूहले कुनै बाजी जिताउने वा हराउने गरी खेल्न वा खेलाउन हुँदैन भनिएको छ ।

यदि त्यसरी कुनै खेल खेलिएको रहेछ भने राष्ट्रिय हित विरुद्धको कसूर भएको मानिने ऐनमा उल्लेख छ ।यस्तो कसूरमा संलग्नलाई पाँच वर्षसम्म कैद र ५० हजार रुपैयाँसम्म जरिवाना हुनेछ ।यस्तै यस्तो काम गर्दा कुनै रकम लेनदेन गरेको भएमा सजायका अतिरिक्त लेनदेन गरेको रकम समेत जफत गरिने छ ।

त्यस्तो कसूर गर्न आदेश वा निर्देशन दिने, उक्साउने वा त्यस्तो कसूर गर्न मद्दत गर्ने व्यक्तिलाई पनि मुख्य कसूरदार सरह सजाय गरिने छ ।यस्तै कसूर गर्ने व्यक्ति सार्वजनिक पद धारण गरेको छ वा नेपाललाई प्रतिनिधित्व गर्ने व्यक्तिले विदेशमा गएकाबखत गरेको रहेछ भने उक्त व्यक्तिलाई थप तीन वर्षसम्म कैद गरिने छ ।

Loading...
राजमार्ग समाचारदाता
fnnews@gmail.com

यो छुट्टाउनु भो कि..