बैठकपछि नेकपाका विभाग सक्रिय

नेकपा

नेपाल कम्युनिस्ट पार्टी (नेकपा) को केन्द्रीय कमिटी बैठक सम्पन्न भएपछि पार्टीका विभिन्न विभाग सक्रिय भएका छन् ।

विभागहरू क्रियाशील भएर आआफ्नो काम थालनी गरिसकेका छन् । त्यसमध्येका संगठन विभाग केन्द्रीय कमिटीको बैठक सकिएको भोलिपल्ट नै बैठक बसेर आफ्ना काम सुरु गरिसकेको छ ।

विभिन्न प्रदेश तथा जिल्लामा देखिएका विवाद समाधान गर्न विभागलाई सक्रिय गरिएको छ । त्यसका लागि विभागका प्रमुख वामदेव गौतम स्वयं आफैँ सक्रिय भएका छन् । केन्द्रीय कमिटीले प्रदेश, जिल्ला तथा पालिकामा पार्टीभित्र देखिएका विवाद मिलाउने जिम्मेवारी संगठन विभागलाई दिएको छ ।

जिम्मेवारी पाउने बित्तिकै त्यसका लागि कामहरू सुरु भएको जानकारी दिइएको छ । पार्टी एकताको विषयमा तल्लो तहमा केही ठाउँमा विवाद देखिएको छ । त्यसलाई समाधान गर्न विभाग योजनाबद्ध तरिकाबाट अगाडि बढ्ने निर्णय गरेको विभागका सदस्य हरिराज अधिकारीले बताए ।

नेकपाले मात्रै न्याय, समानता र समृद्धि दिन सक्छ : प्रधानमन्त्री ओली

पार्टी सदस्यको सदस्यता नवीकरणदेखि प्रक्रिया कसरी चाँडै टुङ्गो लगाउने विषयमा छलफल भएको उनले बताए ।
प्रदेश, जिल्ला, पालिकाहरूको देखिएको विवाद समाधान गर्न तत्कालै विभागको काम थाल्ने र त्यसको सुरुआत प्रदेश २ बाट हुने बताइएको छ ।

एकीकरणको विषयलाई लिएर सबभन्दा बढी विवाद प्रदेश २ मै छ । केही जिल्लामा शपथग्रहणसमेत भएको छैन । प्रदेश २ मा देखिएको विवादलाई लिएर पार्टीमा उजुरीसमेत परेको छ । सोही उजुरीका आधारमा त्यहाँको विवादलाई विभागले समाधान गर्ने सदस्य अधिकारीले बताए ।

विभागको बैठकले महानगर कमिटीलाई सीधै प्रदेश समिति मातहत ल्याउने गरी विधान संशोधन गर्न पार्टीलाई सुझाव दिने निर्णय पनि गरेको छ । महानगर र जिल्ला कमिटीको काम, कर्तव्य र अधिकारमा विवाद उत्पन्न भएपछि त्यस विषयमा केन्द्रीय कमिटीको बैठकमा पनि कुरा उठेको थियो । महानगर र जिल्ला कमिटीको कसको मातहतमा रहने विवाद चलिरहेको थियो । गोरखापत्र दैनिकमा खबर छ ।

Loading...
राजमार्ग समाचारदाता
fnnews@gmail.com

यो छुट्टाउनु भो कि..