बूढानीलकण्ठमा विदेशबाट फर्किएकाको तथ्याङ्क सङ्कलन पूरा

बूढानीलकण्ठमा विदेशबाट फर्किएकाको तथ्याङ्क सङ्कलन पूरा 1

बुढानिलकन्ठ । कोभिड –१९ को सम्भावित जोखिम न्यूनीकरण गर्न बूढानीलकण्ठ नगरपालिकाले नगरभित्र वैदेशिक रोजगारबाट फर्किएकाको तथ्याङ्क सङ्कलन गरेको छ । नगरपालिकाका १३ वटै वडामा सो तथ्याङ्क सङ्कलन गरिएको नगर प्रमुख उद्धवप्रसाद खरेलले बताउनुभयो ।

उहाँका अनुसार १५ दिन अघिदेखि नगरपालिकामा आएकाको तथ्याङ्क संकलन गरिएको हो । उनीहरुलाई घरमै क्वारेन्टाइनमा बस्न र केही स्वास्थ्य समस्या आइपरेमा तत्काल अस्पतालमा जान आग्रह गरिएको नगरपालिकाले जनाएको छ । नगरपालिकाले विदेशबाट फर्केकाका परिवार तथा छिमेकीलाई समेत सचेत रहन भनेको छ ।

नगर प्रमुख खरेलका अनुसार कोरोना संक्रमणको प्रकोप शुुरु भएयता नगरपालिकाभित्र फर्कनेको संख्या ८२ छ । तीमध्ये सबैभन्दा धेरै १८ जना संयुक्त अरब इमिरेट्सबाट फर्केका छन् । भारत १५, बंगलादेश पाँच, कतार आठ, पोर्चुगल र अमेरिका तीनतीन, अष्ट्रेलिया पाँच, मलेसिया र ओमान दुईदुई, बेलायत तीन, जापान चार तथा नर्वे, फिलिपिन्स, फ्रान्स र इजिप्टबाट एकएक जना घर फर्केको नगरपालिकाले जनाएको छ ।
रासस

Loading...
राजमार्ग समाचारदाता
fnnews@gmail.com

यो छुट्टाउनु भो कि..