कसैले भ्रष्टाचार गरे कारबाही हुन्छ, हल्लाको पछि नलागौं : प्रधानमन्त्री

कसैले भ्रष्टाचार गरे कारबाही हुन्छ, हल्लाको पछि नलागौं : प्रधानमन्त्री 1

काठमाडौं- प्रधानमन्त्री केपी शर्मा ओलीले स्वास्थ्य सामग्री खरिदमा कुनै पनि अनियमिता नभएको दाबी गरेका छन्। यदि कहीँ कसैले भ्रष्टाचार गरे आफूले कारबाही गर्ने पनि दोहोर्‍याए।

‘अनियमिता भयो भन्ने कुरा सुनेको कुरा केही सांसदले उठाउनुभयो’, प्रधानमन्त्रीले भने, ‘अनियमितता भयो भयो भन्ने हल्लामा नजाऔं। कहीँ अनियमिता भएको छ भने सरकारले सहदैन। छानबिन गर्छ ,कारबाही गर्छ र दोषी पाइएमा सजाय गर्छ, ढुक्क हुनुस्।’

कोरोना परीक्षणको लागि आरडिटी परिक्षणमा उठेको प्रश्नहरुलाई बचाउ गर्दै यो प्राविधिक विषय भएको जवाफ दिए। सांसदहरुले पिसिआर प्रविधि मार्फतमात्र कोरोना परीक्षण गर्नुपर्नेमा सरकारले कमिसनका लागि आरडिटी खरिद गरिरहेको आरोप लगाएपछि उनले यस्तो जवाफ दिएका हुन्।

प्रधानमन्त्री कार्यालय अन्तर्गत सांसदहरुले उठाएका प्रश्नहरुको जवाफ दिँदै प्रधानमन्त्री ओलीले घुमाउरो रुपमा किट खरिदमा भ्रष्टाचार भएको प्रश्नमा जवाफ दिन अस्वीकार गरे। ‘आरडीटी प्रयोग गर्ने कि नगर्ने प्राविधिक विषय हो। मैले भन्ने होइन’, प्रधानमन्त्रीले भने, ‘कुन प्रयोग गर्ने हो, कुन नगर्ने, कुन किट प्रयोग गर्ने, पिसीआर गर्ने कि नगर्ने, कुन मात्रामा गर्ने, त्यो प्राविधिक रुपमा हुन्छ।’

सुरुवातमा कोरोना परीक्षणका लागि हङकङ पठाउनुपरेको बताउँदै उनले पिसीआर टेष्ट ४५ सय देखि ५ हजारसम्म गर्न सक्ने क्षमता बनाएको बताए।

‘दैनिक आउन ७ हजारभन्दा माथि मानिस भारतबाट आएका छन् परीक्षण ५ हजारसम्मको क्षमता छ’, प्रधानमन्त्रीले भने, ‘सुरुमा कसैले पनि यस्तो सोचेको थिएन। यत्रो महामारी हुन्छ भन्ने नहुँदा समस्या भएको हो।’

युवाहरुले जुन असहजता भोग्नुपरेको छ, आफूले त्यो कुरा बुझेको र ती समस्या समाधान गर्ने बताए। कोरोनाले चौतर्फी रुपमा भयावह रुपमा आक्रमण गरेका कारण समस्या भएको उनले बताए। यसमा अनेक पक्ष भएकाले बुझिदिन पनि उनले आग्रह गरे ।

Loading...
राजमार्ग समाचारदाता
fnnews@gmail.com

यो छुट्टाउनु भो कि..