२ लाख रुपैयाँ घुससहित राजश्व अनुसन्धान कार्यालयका प्रमुख पक्राउ

बुटवल । राजश्व अनुसन्धान कार्यालय बुटवलका प्रमुख विजय राना २ लाख रुपैयाँ घुस रकमसहित पक्राउ परेका छन् ।

बुटवल उपमहानगरपालिका–१३ नयाँगाउँमा रहेको राजश्व अनुसन्धान कार्यालय प्रमुख अनुसन्धान अधिकृत विजय राना चिनी र सूर्ति व्यवसायीसँग घुस लिँदा लिँदै बुटवलको बुद्धचोकबाट पक्राउ परेका हुन् ।

पूर्व सूचनाको आधारमा अख्तियार दुरुपयोग अनुसन्धान आयोगको बुटवलस्थित कार्यालयबाट खटिएको टोलीले रानालाई घुस रकमसहित पक्राउ गरेको हो ।

अख्तियारको टोलीले रानालाई घुस दिने अनिलकुमार झालाई समेत पक्राउ गरेको छ ।

पक्राउ परेका दुवै जनालाई हिरासतमा राखेर थप अनुसन्धान शुरु गरिएको अख्तियार दुरुपयोग अनुसन्धान आयोगको बुटवल कार्यालयका सूचना अधिकारी सुरेश भुसालले जानकारी दिए ।

Loading...
राजमार्ग समाचारदाता
fnnews@gmail.com

यो छुट्टाउनु भो कि..