कोरोनाबाट ५ जनाको मृत्यु, जम्मा मृत्यु हुनेको सख्या १४२

काठमाडौं । कोरोना भाइरसको संक्रमणबाट ज्यान गुमाउनेको संख्या बढ्न थालेको छ । विभिन्न जिल्लामा थप ५ जनाको कोरोना संक्रमणबाट ज्यान गएको छ । नेपालमा ज्यान गुमाउनेको संख्या १ सय ४२ पुगेको छ ।
पर्सामा गएराति र आज बिहान दुईजनाको मृत्यु भएको छ । आज बिहान बहुदरमाइ(४, का ६१ वर्षीय पुरुषको मृत्यु भएको छ । उनी ४ गते कोभिड अस्पतालमा भर्ना भएका थिए ।
हिजो बेलुकी ८ बजे वीरगञ्ज महागरपालिका(२६, का ८८ वर्षीय पुरुषको मृत्यु भएको थियो । उनी हिजो नै अस्पताल भर्ना भएका थिए ।
त्यस्तै मकवानपुरको हेटौँडामा ७५ वर्षीय पुरुषको कोरोना संक्रमणबाट मृत्यु भएको छ । उनको चितवनको भरतपुर पुरानो मेडिकल कलेजमा उपचारका क्रममा मृत्यु भएको थियो । मृतकको स्वाब परीक्षणका क्रममा रिपोर्ट पोजेटिभ आएको हो ।
त्यस्तै सिरहामा पनि एक पुरुषको मृत्यु भएको छ । मिर्चैया(४, का ६८ वर्षीय पुरुषको गएराति मृत्यु भएको जिल्ला स्वास्थ्य कार्यालय सिरहाका प्रमुख कृष्णदेव यादवले जानकारी दिए ।
त्यस्तै धनुषामा पनि थप एक जनाको कोरोना संक्रमणबाट मृत्यु भएको छ । बुधबार मृत्यु भएका धनुषा नगराइनका ५० वर्षीय पुरुषको स्वाब परीक्षण रिपोर्ट हिजो बेलुकी पोजेटिभ आएको जिल्ला स्वास्थ्य कार्यालयले जनाएको छ ।

Loading...
राजमार्ग
gharaaganmedia@gmail.com

यो छुट्टाउनु भो कि..