लुम्बिनी गुरुयोजना समयमै सकाउने प्रतिबद्धता

लुम्बिनी गुरुयोजना समयमै सकाउने प्रतिबद्धता 1

असोज २९, काठमाडौं । लुम्बिनी विकास कोषका नवनियुक्त सदस्य सचिव सानुराजा शाक्यले लुम्बिनी गुरुयोजना समयमै सकाउने बताएका छन् । आफ्नो पदभार ग्रहण गर्दै उहाँले लुम्बिनीलाई स्मार्ट लुम्बिनी बनाउन आफूले योजनाबद्ध काम गर्ने प्रतिबद्धता व्यक्त गरे ।
सरकारले उहाँलाई चार वर्षका लागि नियुक्त गरेपछि बुधबार कोषको केन्द्रीय कार्यालय लुम्बिनीमा पदभार ग्रहण गरेका हुन् । शाक्यका स्वागतमा कोषले राखेको स्वागत कार्यक्रममा उपाध्यक्ष भिक्षु मैत्तेयले चालीस वर्षअघिदेखि शुरु भएको लुम्बिनी गुरुयोजना समयमै सम्पन्न गर्न र यसको गरिमा अझै प्रभावकारी गराउन सदस्य सचिवको नियुक्तिले विशेष भूमिका खेल्ने बताए ।
कोषका सूचना अधिकृत ज्ञानिन राईले तीन वर्षदेखि कहिले निमित्त त कहिले कामु भई लुम्बिनीको सदस्य सचिवको जिम्मेवारी सम्हाल्दा कतिपय काम प्रभावकारी ढङ्गले अगाडि बढ्न नसकेको अवस्थामा सरकारले गरेको निर्णयले आफूहरुलाई उत्साहित बनाएको बताए । काठमाडौँ महानगरपालिका वडा नम्बर २१ निवासी शाक्यले युवा बौद्ध समूहमा रहेर काम गर्नाका साथै बौद्ध अध्ययन र समसामयिक वस्तुस्थितिमा विभिन्न लेख प्रकाशन गर्दै आएका छन् ।

Loading...

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

राजमार्ग समाचारदाता
fnnews@gmail.com

यो छुट्टाउनु भो कि..