पार्टीको एकीकृत तथा अविभाज्य अस्तित्वमाथि बारम्बार प्रश्न उठेको छ : महासचिव पौडेल

काठमाडौं । सत्तारुढ नेपाल कम्युनिष्ट पार्टी (नेकपा)को महासचिव बिष्णु पौडेलले पार्टीको अस्तित्वमाथि प्रश्न उठेको बताएका छन् । आज सामाजिक सञ्जाल फेसबुक मार्फत उनले यस्तो बताएको हो ।
दुई ठुला पाटी माओवादी (केन्द्र) र एमालेको एकता पछि बनेको नेकपाले कुनै पनि कुरा समयमा पुरा नगरेको कारण पार्टीको एकीकृत तथा अविभाज्य अस्तित्वमाथि बारम्बार प्रश्न उठेको उनले बताए । पार्टी भित्रको अन्तरविरोध चरम अवस्थामा पुगेको बेला महासचिव पौडेलले यसतो बताएको हो ।

पौडेलको स्टाटस उनकै शब्दमा

राजनीतिक स्थायीत्व सुनिश्चित गर्ने, संविधानको प्रभावकारी कार्यान्वयन गर्ने र ‘समृद्ध नेपाल सुखी नेपाली’को राष्ट्रिय आकाँक्षा पूरा गर्दै समाजवादतर्फ अघि बढ्ने उद्देश्यका साथ नेकपा (एमाले) र नेकपा (माओवादी केन्द्र) बीच एकता सम्पन्न भई नेपाल कम्युनिष्ट पार्टी (नेकपा)गठन भएको थियो ।
पार्टी एकता सम्पन्न भएसँगै हाम्रो सामु दुई वर्षभित्र महाधिवेशन आयोजना गर्ने र सुदृढ एकताका साथ अघि बढ्ने जिम्मेवारी उपस्थित थियो । तर, आजसम्म आईपुग्दा पनि पार्टी एकताको बाँकी काम पूरा हुन नसकेको मात्र होइन, पार्टीको एकीकृत तथा अविभाज्य अस्तित्वमाथि समेत बारम्बार प्रश्न उठेको छ । यतिबेला पार्टी एकता गंभीर संकटको मोडमा आईपुगेको छ ।
नेतृत्व तहमा उत्पन्न अन्तरविरोधले पार्टी एकताको औचित्य खण्डित हुन सक्तैन । तसर्थ आपसी अन्तरविरोधलाई संवादको कार्यसूची बनाउन, सहमतिका साथ समाधान खोज्न र पार्टी एकताको रक्षा एवम् विकासका लागि सकारात्मक योगदान गर्न समस्त नेता, कार्यकर्ता तथा सदस्य कमरेडहरुलाई अनुरोध गर्दछु ।

Loading...
राजमार्ग
gharaaganmedia@gmail.com

यो छुट्टाउनु भो कि..