यो जेल हेरेपछि कैदी बन्न इच्छा जाग्नसक्छ, यस्ता छन् सुविधा

पाँच तारे होटलबारे त धेरै सुन्नुभएको होला । तर पाँच तारे जेल हुनु सामान्य होइन । तर यो वास्तविक हो । अष्ट्रियामा ‘जस्टिस सेन्टर लियोबेन’ एक यस्तो जेल हो जो आफ्नो भव्यता र आलिशान सुविधाका लागि परिचित छ । यो जेलको फोटो हेरेर र यहाँको सुविधाबारे थाहा पाएपछि सायद धेरैलाई यहाँ बस्ने रहर जाग्ला ।

जेलमा २ सय ५ कैदी बिताउँछन् विलासी जीवनः

चर्चित आर्किटेक्ट जोसेफ होहेन्सिन्नद्वारा तयार गरिएको यो जेल अष्ट्रियाको पहाडी इलाका लियोबेनमा रहेको छ । यसको आधा हिस्सामा कोर्ट पनि छ ।

यो पाँचतारे जेलमा २ सय ५ कैदी बस्ने व्यवस्था छ । यसमा कैदीलाई ती अत्याधुनिक सुविधा दिइन्छन् जसमा स्पा, जिम, विभिन्न प्रकारको इन्डोर गेम र नीजि रुचीका सुविधा उपलब्ध छन् ।कैदीले आफ्नो सेल एक–अर्कासँग सेयर पनि गर्न सक्छन् ।

यसको सेल पनि सुविधाजनक छ । यहाँको हरेक सेलमा भिन्न बाथरुम, एक किचन र एक लिभिङ रुम बनेको छ । यसमा टेलिभिजनको सुविधा पनि उपलब्ध छ । यसका साथै रुममा एक फूल साइज विन्डो पनि छ जसमार्फत कैदीले बाहिरको दृश्य देख्न सक्छन् ।

यद्यपी, यो जेल कुख्यात कैदीका लागि होइन । यो जेलमा यस्ता कैदी राखिन्छ जसले मामुली घटनाको सजायँ काटिरहेका छन् ।

किन बनाइयो यति विलासी ?

यो जेललाई विलासी बनाउनुका पछाडि स–साना अपराधको सजायँ काटिरहेका कैदीलाई राम्रो सुविधा प्रदान गर्नुथियो ता कि आफ्नो अपराध बारे सोच्न सकून् र जेलबाट बाहिर निस्केपछि अपराधबाट टाढा रहेर एक सामान्य जीवन व्यतित गर्न सकून् ।

राजमार्ग समाचारदाता
fnnews@gmail.com

यो छुट्टाउनु भो कि..