प्रतिनिधि सभा विघटन : आज संसद् संवैधानिक इजनलसमा पेशी, फैसला हुन सक्ने

सर्वोच्च अदालत : संवैधानिक इजलासमा संसद् विघटन सम्बन्धी पेशी आजफैसला हुन सक्ने

राजमार्ग, असार २८, काठमाडौं । प्रधानमन्त्रीकाे सिफारिसमा राष्ट्रपतिद्वारा गरिएकाे संसद विघटन मुद्दाको सुनुवाइ गर्दै आएको संवैधानिक इजलास आज ताेकिएकाे छ । प्रधानन्यायाधीश चोलेन्द्र शमसेर जबरा नेतृत्वको इजलासमा पक्ष विपक्षको बहस, एमिकस क्युरीको राय लगायतका प्रक्रिया यही असार २१ गते सकिएको थियो ।

सर्वोच्च अदालतकाे उच्च स्रोतअनुसार सुनुवाइको सबै प्रक्रिया सकिएकाले आज फैसला आउन सक्ने सम्भावना रहेकाे छ ।

राष्ट्रपतिद्वारा धारा ७६ (५) अनुसार प्रधानमन्त्री नियुक्ति नगरी प्रतिनिधिसभाका १४६ सांसदहरुले प्रतिनिधिसभा विघटन बदर गर्न र शेरबहादुर देउवालाई प्रधानमन्त्री बनाउन परमादेशको माग गर्दैै सर्वोच्चमा रिट दायर गरेका थिए ।

गत जेठ ७ गते सरकारको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गर्दै आगामी कात्तिक २६ र मंसिर ३ गते मध्यावधि निर्वाचन घोषणा गरेकी थिइन् । यो कदम असंवैधानिक भएको जिकीर गर्दै सर्वोच्च अदालतमा ३० वटा रिट परेका छन् । ती रिटहरुमाथि यही असार ९ गतेदेखि निरन्तर बहस हुँदै आएको छ ।

कांग्रेस सभापति शेरबहादुर देउवालाई वैकल्पिक प्रधानमन्त्रीको रुपमा अघि सारेका विपक्षी गठबन्धनका १४६ सांसदको तर्फबाट दायर रिटमा देउवालाई प्रधानमन्त्री बनाउन परमादेश जारी गर्न मागसमेत गरिएको छ ।

रिटमा सुनुवाइका लागि प्रधानन्यायाधीश जबराको नेतृत्वमा, न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डा.आनन्दमोहन भट्टराई रहेको संवैधानिक इजलास गठन गरिएको छ ।

राजमार्ग
gharaaganmedia@gmail.com

यो छुट्टाउनु भो कि..